О́skemen áýejaıynyń ushý-qoný jolaǵy 2800 metrge deıin uzartylyp, 45 metrge deıin keńeıtiletin boldy. Sonymen qatar júk termınaly, ýaqytsha saqtaý qoımasy men apattyq-qutqarý stansasy qurylystaryn júrgizý jáne belgi berýshi jaryq quraldaryn ornatý josparlanyp otyr. Atalǵan jumystardy júzege asyrý úshin 5,2 mıllıard teńge kóleminde qarjy tartylmaq. Onyń ishinde 1 mıllıard teńge – Úkimet tarapynan, 2,5 mıllıard teńge oblystyq bıýdjetten qarastyrylyp otyr. Al 1,5 mıllıard teńge kólemindegi qarjy Eýropalyq qaıta qurý jáne damý bankinen alynady.
Osy tarapta oblys ákimdigi men Eýropalyq qaıta qurý jáne damý bankiniń jetekshileri О́skemen qalasynyń áýejaıyn jańǵyrtýǵa baǵyttalǵan jobany júzege asyrý týraly aldyn-ala kelisimge qol qoıdy.
– Áýejaıdy jańǵyrtý: júk termınalyn, ýaqytsha saqtaý qoımasyn, apattyq-qutqarý stansasyn turǵyzý, belgi berýshi jaryq quraldaryn jańartý barlyq halyqaralyq reısterdi kedergisiz qabyldaýǵa múmkindik beredi, – deıdi «О́skemen qalasynyń áýejaıy» AQ prezıdenti Nıkolaı Korolenko.
Jalpy, jóndeýden keıin áýejaıdyń ushý-qoný jolaǵy 300 metrge uzarady. 2018 jyly bastalatyn qurylystyń normatıvti merzimi 22 aı. Sondaı-aq búginde О́skemen áýejaıy ǵımaratynyń janynan saǵatyna 200 adamǵa qyzmet kórsetetin jolaýshylar termınaly salynýda. Bul nysannyń qurylysy 2017 jyldyń ortasynda aıaqtalady.
Aıta ketken lázim, qazirgi kezde oblys ákimdiginiń EQDB-men ınvestısııalyq qory 245 mıllıard teńgeni quraıdy. Onyń ishinde 43 mıllıard teńgege aldyn ala jáne nesıelik kelisimderge qol qoıyldy.
Dýman ANASh, "Egemen Qazaqstan"
О́SKEMEN.