Eriktilerdiń eńbegi eskerýsiz qalmaıdy

Almatyda 2017 jyly ótetin HHVIII qysqy Ýnıversıada oıyndary jaqyndaǵan saıyn ony ótkizetin dıreksııanyń jumysy qyza tústi. Endi qyryq kúnge jýyq ýaqyttan keıin kúlli álem kóz tigip, qulaq túretin dúbir­li dodany uıymdastyrý jumystaryna tartylǵan túrli sala mamandary da sol kúnge jan-jaqty daıyndalý ústinde. Búginde Ýnıversıada dıreksııasynda 217 maman jumys jasap jatyr. Olar kózge kórine bermeıtin usaq-túıek qaǵaz toltyrýdan bastap, aldyn ala qonaqtardy qarsy alý, jaıǵastyrý kestesin daıyndaý, sportshylar men basqa da mártebeli qonaqtardy tasymaldaý, tamaqtandyrý máselesin uıymdastyrý, sha­qyrý bıletterin jiberý sııaqty jumystardy bastap ketken. – Kúnde áıteýir bir sharalar ótip jatady. Barlyǵyna úlgerý kerek. Biz qazir kúni-túni jumys istep jatyrmyz. Tipti, bizde demalys degen joq. Bylaısha atqanda, Ýnıversıada biz úshin bastalyp ketti, – dedi Ýnıversıada dıreksııasynyń múshesi Raýan Oqas. Dıreksııa músheleriniń kópshiligi jastar bolyp otyr. Soǵan qaramastan, aralarynda tájirıbeli mamandar da bar­shylyq. – 2008 jyly Almaty qala­synda alǵash ret Beıjiń alaý­y estafetasy ótti. Sol alaýdan bastap Azıada alaýynda jumys atqarǵan jáne Qazan qalasyndaǵy estafeta alaýynda konsýltant bolǵan mamandar da jumyldyryldy. Sodan beri jumysty ushtaý udaıy júrgizilip keledi, – deıdi Ýnıversıada dıreksııasy dırektorynyń orynbasary Dıdar Saǵadıev. Ýnıversıada dırek­sııa­synyń basshysy Naıl Nýrov­tyń aıtýynsha, eriktilerdiń de eńbegi eskerýsiz qalmaıdy. Qazir olardyń qatary 14 myńǵa jetipti. Endi irikteý jumystary júrgizilip, 3 myń erikti tańdap alynady.