Erteń Almatydaǵy «Alataý» shańǵy-bıatlon kesheninde shańǵy sporty men bıatlonnan Qazaqstan Kýbogy úshin ashyq jarys bastalady. Jeltoqsannyń 27-ine deıin sozylatyn bul saıysta erler, jasóspirim qyzdar men uldar jarys jolyna shyǵady.
Jarysty Almaty qalalyq dene shynyqtyrý jáne sport basqarmasy, Qazaqstan ulttyq shtattyq komandalar jáne sport rezervi dıreksııasy, Shańǵy ulttyq federasııasy jáne XXVIII Dúnıejúzilik qysqy Ýnıversıada dıreksııasy uıymdastyrdy.
Kýbok saıysyna elimizdiń Aqtóbe, Shyǵys Qazaqstan, Batys Qazaqstan, Qaraǵandy, Qostanaı, Pavlodar, Soltústik Qazaqstan oblystarynan, Astana jáne Almaty qalalarynan kelgen sportshylar qatysady.
Jarys halyqaralyq Shańǵy federasııasynyń (FIS) kún tártibine engizilgen. Elishilik jarystyń basty maqsaty qańtar aıynda Alataý baýraıynda alaýy tutanatyn qysqy stýdenttik oıyndary qarsańynda barlyq fýnksııalyq baǵyttardy tekserý bolyp otyr.
Jarysta bıatlon saıysy biliktilik, sprınt, pýrsıt, estafeta túrlerinde, al shańǵyshylar saıysy jeke kúsh synasý, izbe-iz qýalaý, sprınt túrlerinde básekege qyzdyrady.