Italııanyń «Djenoa» komandasynyń 15 jastaǵy fýtbolshysy Petro Pellegrı «Torıno» klýbyna qarsy kezdesýde Tomas Rınkondy almastyryp, alańǵa shyqty. Osylaısha ol A serııasynyń 80 jylǵa jýyq rekordyn qaıtalady.
Buǵan deıin «Romanyń» áıgili oıynshysy Amedeo Amadeı 1937 jyly 2 mamyrda 15 jasynda debıýttik oıynyn ótkizgen bolatyn. Atalǵan chempıonatta barlyǵy 423 oıyn ótkizip, 174 goldyń avtory atanǵan.
Aıta keteıik, «Torıno» men «Djenoa» arasyndaǵy matchta alań ıeleri 1:0 esebimen jeńiske jetti.