Álemniń 30-dan astam elinde qazba materıaldardan alynatyn kózderge qaraǵanda qaıta qalpyna keletin energııa arzan turady. Bul týraly Dúnıejúzilik ekonomıkalyq forýmnyń jeltoqsanda jarııalaǵan esebinde aıtylǵan. Ol elderdiń arasynda Aýstralııa, Brazılııa, Meksıka jáne Chılı bar, dep jazady abctv.kz.
Qaıta qalpyna keletin kózderden jáne qazba otynnan energııa óndirýdiń qunynda tepe-teńdikke jetken ózge elder esepte kórsetilmegen. Budan biraz buryn Deutsche Bank osyndaı memleketter qataryna Eýropanyń 11 elin, sondaı-aq Izraıl, Jańa Zelandııa, Túrkııa, Japonııany qosqan bolatyn.
Dúnıejúzilik ekonomıkalyq forýmnyń uzaqmerzimdik ınvestısııalar bóliminiń jetekshisi Maıkl Drekslerdiń aıtýynsha, qaıta qalpyna keletin energııa «ótpeli kezeńdi» eńserdi. «Kún jáne jel energetıkasy qazir básekege qabiletti bola bastady jáne onyń shyǵyndary azaıyp keledi.
Bul tek kommersııalyq ómirsheń qural ǵana emes, sondaı-aq ınvestısııa úshin uzaqmerzimdi, turaqty, ınflıasııadan qorǵalǵan kirisi bar tartymdy múmkindik», – dep málimdedi ol.
Aldaǵy birneshe jylda barlyq eldiń 80 paıyzynda energııalar qunynda tepe-teńdik ornaıdy, delingen DEF esebinde.