2017 jyly Qazaqstanda Keıki batyr týraly derekti fılm túsiriledi. Bul týraly búgin baspasóz máslıhatynda QR Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.
«Qazirgi kezde mınıstrliktiń aldynda úlken sharalar belgilenip otyr, ıaǵnı 2017 jyly Keıki batyr týraly derekti fılmdi shyǵarýymyz kerek. Atap aıtqanda, kórkem fılmniń aldynda biz derekti týyndyny túsirýimiz qajet bolyp tur», - dedi mınıstr.
Onyń paıymynsha, tarıhı fakti men ańyzdardy ajyratý úshin derekti fılmdi túsirý kerek.
«Tek osydan keıin ǵana biz kórkem fılmdi túsirýge quqylymyz. О́ıtkeni, kórkem fılmniń kórermenderge áseri óte zor bolmaq», - dep túsindirdi Muhamedıuly.
Belgili bolǵandaı, 2017 jyly O. Bekmaǵambetovtyń avtorlyǵymen «Keıki batyr» ǵylymı monografııasy shyǵady dep kútilýde. Aldaǵy ýaqytta batyr jaıynda teatrlyq qoıylymdar kópshilik nazaryna usynylmaq.