Bıyl memlekettik sot oryndaýshylardyń sany 30 paıyzǵa qysqartyldy. Bul týraly Ortalyq kommýnıkasııalar qyzmetinde «Ult josparynyń 27-qadamy aıasynda zań ústemdigin qamtamasyz etý» taqyrybynda ótken baspasóz máslıhatynda Ádilet mınıstrligi sot aktilerin oryndaý departamenti dırektorynyń mindetin atqarýshy Ernar Ybyraev málim etti.
Onyń aıtýynsha, 2016 jyldyń qańtarynan bastap jeke sot oryndaýshylardyń quziretine memleketten óndirý, memleket paıdasyna 1000 AEK-ten astam (2 mln 120 myń teńgege jýyq) somany óndirý, memleket múddesin kózdeıtin jer ýchaskelerinen qonystandyrý, úılerdi buzý, jer ýchaskelerin alyp qoıýdy qospaǵanda, ózge atqarýshylyq qujattardyń barlyq sanattaryn oryndaý berildi.
«Qazirgi tańda jeke sot oryndaýshylardyń sany 1348 tulǵany quraıdy, olardyń kómekshilerin qosqanda, jeke sot oryndaý jumystaryna 4 myńǵa jýyq adam jumyldyrylǵan. Bıyl memlekettik sot oryndaýshylar sany 30%-ǵa qysqartyldy. Sondaı-aq, 2017 jyly olardyń 30%-yn jáne 2018 jyly 15%-yn qysqartý josparlanyp otyr. Nátıjesinde, 518 memlekettik sot oryndaýshyny qaldyrý kózdelýde», – dep atap ótti E. Ybyraev.
Aıta keteıik, 2016 jyly jeke sot oryndaýshylar óndirisinde 2 mıllıonǵa jýyq atqarý óndirisi boldy. Bul memlekettik sot oryndaýshylardyń kórsetkishinen 1,2 mıllıonǵa artyq.
Aıdar О́RISBAEV,
«Egemen Qazaqstan»