Qarjy mınıstrligi memlekettik kirister komıteti uıymdastyrǵan «Túbirtek talap et – syılyq utyp al!» aksııasy sheńberinde bas júldege tigilgen «Chevrolet» avtokóligin Ravıl Haırýllın esimdi Petropavl turǵyny utyp aldy.
Oblystyq memlekettik kirister departamenti 46345 chek jınap, alty jeńimpazdyń árqaısysyna 30 myń teńgeniń baǵaly syılyqtaryn tabys etken. Bul sharaǵa 789 adam atsalysyp, eń kóp túbirtek joldaǵan eki qatysýshyǵa yntalandyrý syılyqtary berilgen.
«Atameken» kásipkerler palatasy usynǵan respýblıkalyq avtokólik utysyna 27 myń qazaqstandyq qatysty. Oıynǵa bedeldi komıssııa tórelik etip, ashyq jaǵdaıda ótkizildi. «Baqytty túbirtek» kompıýterlik baǵdarlama arqyly tańdaldy. Aksııanyń bas júldesi «Chevrolet» avtokóligin «Qazaqtelekom» AQ oblystyq fılıalynyń qyzmetkeri Ravıl Haırýllın utyp aldy. 100 myń jáne 300 myń teńge mólsherindegi aqshalaı sertıfıkattar utystary almatylyq jáne ońtústikqazaqstandyq turǵyndarǵa buıyrdy.
О́mir ESQALI,
«Egemen Qazaqstan»
PETROPAVL