2016 jyldyń basynda Qytaı kompanııalarynyń aksııalar saýdasy toqyrap, ınvestorlar alańdaı bastaǵan. Araǵa týra bir jyl salyp, Qytaı kompanııalary qor naryǵynda ótimdi bolyp tur, dep jazady investing.
Qytaı ekonomıkasyndaǵy bul oń ózgeris 2017 jyly álem naryǵy úshin óte paıdaly. Investorlardyń pikirinshe, Qytaı ekonomıkasy osy betinen taımaıtyn bolsa, 2017 jyly da el ekonomıkasy jappaı reformany qoryqpaı qolǵa ala alady.
Al AQSh dollarynyń ózindik quny 1 paıyz kóterildi. Bul 2002 jyldan bergi alǵashqy iri kórsetkish. Sarapshylardyń pikirinshe, 2017 jyly dollar aıtarlyqtaı kóteriledi. О́ıtkeni bıyl Federaldy qor dollardyń bazalyq ústemesin úsh ret kóteredi dep aıtylýda. Nátıjesinde saýdagerlerdiń dollarǵa degen suranysy artpaq.
Sonymen qatar álemdik naryqtyń taǵy bir úlken bóligi munaı naryǵy da jyldy jaıly bastady. Byltyr jyl sońynda qabyldanǵan OPEK+ sheshimin Kýveıt pen Oman iske asyra bastady. Oǵan aldaǵy ýaqytta ózge de elder qosylady dep kútilýde.
Al Eýropadaǵy bank pen ónerkásip sektory da úshinshi sessııa qatarynan ósip, mundaǵy naryqqa jaıly bolyp tur.