Nemistiń JACDEC (Jet Airliner Crash Data Evaluation Centre) áýe qaýipsizdigi ortalyǵy qaýipsiz áýe kompanııalarynyń tizimin jarııalady, dep jazady abctv.kz.
Atalmysh reıtıngide alǵashqy orynda Oneworld alıansynyń múshesi, Gonkongtyń Cathay Pacific kompanııasy tur, dep habarlady Bild.
Úzdik bestikke jańazelandııalyq Air New Zealand, qytaılyq Hainan Airlines, katarlyq Qatar Airways jáne nıderlandylyq KLM kompanııasy enip otyr.
Úzdik ondyqty Japan Airlines támamdaıdy. 60-qa tarta kompanııa kiretin tizimniń qazir tek bir bóligi ǵana jarııalandy. Tolyq tizim 18 qańtarda paıda boldy. Reıtıng 2016 jyly tirkelgen avıasııalyq oqys oqıǵalardyń sanyna qarap jasalady. Cathay Pacific – Gonkong halyqaralyq áýejaıynda oryn tepken áýe kompanııasy. Ol Skytrax besjuldyzdy reıtıngige ıe alty áýe kompanııasynyń biri.