Qamkóńil jandar qoldaý kórdi

 Jergilikti bılik taǵdyrdyń jazýymen taýqymet tartyp qalǵan múmkindigi shekteýli jandardy eńbekpen qamtý máselesine udaıy kóńil bólip keledi. О́ńirde shamamen 25 myńnan as­tam múmkindigi shekteýli jandar bol­sa, olardyń 3 myńǵa jýyǵy bala­lar. Oblystyq jumyspen qamtý já­ne áleýmettik baǵdarlamalar bas­qar­masynyń málimetteri boıynsha, esepti kezeńde 620 múgedek jan jalpy somasy 514,5 mln teńge bolatyn qozǵalys qurylǵylary, sýrdoteh­nıka, tıflotehnıka, sanatorıılik-ký­rorttyq saýyqtyrý, protezdi-orto­pe­dııalyq qyz­met­ter, gıgıenalyq qu­ral­dar, ymdaý tili ma­man­darymen jáne jeke kómekshimen qamtamasyz etilgen. 2100-den astam adam úıde kútim túrinde áleýmettik kómek alady. Tórt úkimettik emes uıym memlekettik áleýmettik tapsyrys aıasynda 273 múgedek balaǵa osyndaı qyzmetter kórsetedi. Múgedekterdiń quqyqtaryn qamtamasyz etý jáne ómir súrý sapasyn jaqsartý boıynsha Ult jos­paryn júzege asyrýǵa sáıkes 125 nysan áleýmettik beıimdeýden ótti. Sonymen qatar, jergilikti bıýdjet esebinen óńirde múgedekterdi ońaltýǵa baǵyttalǵan basqa da jobalar júzege asyrylýda. Oblys ákimi Berdibek Saparbaev osy saladaǵy baqylaýdy kúsheıtip, múgedekterdi jumysqa qabyldaý kvotasyn buzǵan mekemelerdiń basshylaryna qatań shara qoldanýdy usyndy. Oblys ákimi, sondaı-aq, múmkindigi shekteýli jandarǵa qala boıynsha qozǵalys úlken qıyndyq týǵyzyp otyrǵanyn jáne bul máseleni sheshýde ınvataksı sanyn arttyrý qajettigin atap ótti. Múm­kindikteri shekteýli adamdardy qol­daýǵa baǵyttalǵan áleýmettik is-sharalarǵa tárbıeleý maqsatynda jastardy belsendi tartý qajettigine toqtaldy. Memleket basshysynyń saıa­saty táýelsizdiktiń alǵashqy kún­de­rinen bastap áleý­mettik ádilettilik qa­­ǵıdattaryna negizdelgenine, memleket arnaıy baǵ­darlamalardy júzege asyryp, muqtaj jandarǵa áleýmettik kómek kórsetý úshin qyrýar qarjy bólip otyrǵanyna nazar aýdardy. Satybaldy SÁÝIRBAI, «Egemen Qazaqstan» AQTО́BE