2017 jyldyń 1 qańtarynan bastap Astanada elektr energııasy men suıytylǵan gaz tarıfteri ózgermeıdi. Bul týraly qalalyq kásipkerler palatasy memlekettik baǵa retteýden monopolııaǵa qarsy retteýge kóshý boıynsha uıymdastyrǵan baspasóz máslıhatynda QR UEM Tabıǵı monopolııalardy retteý jáne básekelestikti qorǵaý komıtetiniń Astana qalasy boıynsha departamentiniń basshysy Bolat Tanabergen málim etti, dep jazady qalalyq ákimdiktiń baspasóz qyzmeti.
Onyń aıtýynsha, retteletin naryqtarda baǵa retteýdi alyp tastaý naryq sýbektileri kórsetetin qyzmetterdiń baǵasyn obektıvti emes qymbattaýyna nemese áleýmettik alańdaýshylyqqa alyp kelýi múmkin. Osyǵan baılanysty Ulttyq ekonomıka mınıstrligi taldaý júrgizdi, onyń qorytyndysy boıynsha qoǵamdyq mańyzdy naryqtardyń tizimi jasaldy, onda baǵalardy memlekettik retteýden aýysý kezeń-kezeńmen júrgiziledi.
«Qazirgi ýaqytta departament 18 qyzmet boıynsha 12 naryq sýbektisiniń baǵalaryn rettep otyr. 2017 jyldyń 1 qańtarynan bastap QR UEM Tabıǵı monopolııalardy retteý jáne básekelestikti qorǵaý komıtetiniń Departamenti elektr energııasyn «Astanaenergosbyt» AQ arqyly bólshek saýdada ótkizý jáne «Astana q. Ortalyq gazben qamtý» JShS gaz-rettegish qondyrǵylary arqyly bólshek saýdada ótkizýdiń baǵa retteýin jalǵastyrady. Naryqtyń atalǵan sýbektileri boıynsha jańa jyldan bastap baǵa burynǵy deńgeıde qalady», - dep atap kórsetti Bolat Tanabergenov. Q
alǵan sýbektiler monopolııaǵa qarsy retteýge kóshedi. Onyń atap kórsetýinshe, baǵalar kúrt kóterilgen jaǵdaıda, al bul sýbektilerdiń qyzmetinde básekelestik salasyndaǵy zańnamany buzǵanyn kórsetedi, onda monopolııaǵa qarsy organ aıyppul sanksııalarynan turatyn áreket etý sharasyn qabyldaýǵa quqyly.