О́tken jyldyń qorytyndysy boıynsha Qazaqstanda kómir óndirý kólemi aqshalaı mánde rekordtyq 683,7 mlrd teńgeni qurap, 2024 jylǵy qańtar-jeltoqsanmen salystyrǵanda 27,1%-ǵa artqan (fızıkalyq kólem ındeksi – 110,1%). Bir jyl buryn da ósim baıqalǵan, alaıda ol nebári 2,1% bolǵan edi (fızıkalyq kólem ındeksi – 102,9%), dep habarlaıdy Egemen.kz.
Natýraldy kórsetkishte, lıgnıt pen kómir konsentratyn qosa alǵanda, tas kómir óndirý kólemi 2025 jyldyń qańtar-jeltoqsan aılarynda 120,5 mln tonnany qurady. Bul sońǵy 10 jyldaǵy eń joǵary kórsetkish. 2024 jyldyń sáıkes kezeńimen salystyrǵanda óndiris kólemi 7,1%-ǵa ósti.
Otandyq kómir shahtalary ishki naryqtaǵy suranysty (el ishindegi ótkizý men eksportty qosa alǵanda) 100% derlik qamtamasyz etip otyr. 2025 jyldyń qańtar-qarasha aılarynda 107,7 mln tonna kómir óndirildi, jyldyq ósim – 6,4%. Osy kezeńde ımport kólemi 3-ten 1-ine qysqaryp, 620,2 myń tonnaǵa deıin azaıdy.
Kómir kenin jandandyrǵan isker jan
Kómir eksportyQazaqstanda kómir eksporty 6,2%-ǵa ósip, 2025 jyldyń qańtar-qarasha aılarynda 28,1 mln tonnany qurady. Al ishki naryqta kómir satý kólemi 5,9%-ǵa artyp, 80,3 mln tonnaǵa jetti.
2025 jylǵy jeltoqsan aıynyń qorytyndysy boıynsha tas kómirdiń baǵasy 1 aıda 0,6%-ǵa, al 1 jylda 8,7%-ǵa qymbattady. Salystyrý úshin aıtsaq, 1 jyl buryn aılyq ósim 0,7%, jyldyq ósim 8,6% bolǵan.
О́ńirler boıynsha tas kómirdiń jyldyq qymbattaýy 0,7%-dan (Qaraǵandy oblysy) 27,4%-ǵa deıin (Aqtóbe oblysy) ózgerdi. Aıtarlyqtaı jyldyq baǵa ósimi Astanada (20,1%), Jetisý oblysynda (16,2%) jáne Almatyda (15,9%) tirkeldi.
2027 jyldan bastap Almatyda kómirge suranys nólge deıin tómendeýi múmkinAıta ketý kerek, 2027 jyldan bastap Almatyda kómirge degen suranys teorııalyq turǵyda nólge deıin tómendeýi múmkin. Qalada atmosferalyq aýany qorǵaýǵa arnalǵan jańa erejeler bekitildi. Atap aıtqanda, gazdandyrylǵan ári «lastaýshy zattardyń shyǵaryndylary tómen» aımaqtarda jeke sektorda monsha jaǵýǵa jáne ǵımarattardy qatty (kómir men otyn) nemese suıyq otynmen jylytýǵa tyıym salynady. Qazirgi ýaqytta jeke sektordyń gazdandyrylý deńgeıi 99,4%-dy quraıdy.
Shubarkól kómiri qaıda jóneltiledi?
Kómir baǵasy2025 jylǵy jeltoqsanda Qazaqstan boıynsha tas kómirdiń ortasha bólshek baǵasy bir tonnasyna 19,8 myń teńge boldy. Eń arzan kómir Qaraǵandyda satyldy – bir tonnasy 16,9 myń teńge. Odan keıin Petropavl men О́skemen qalalary tur – árqaısynda 17,2 myń teńgeden.
Eń qymbat kómir Aqtóbede tirkeldi – bir tonnasy 25,5 myń teńge. Keıingi oryndarda Túrkistan (23,1 myń teńge) men Qonaev (23 myń teńge) qalalary tur. Almatyda 2025 jylǵy jeltoqsanda tas kómirdiń bir tonnasy 20 myń teńge boldy.
Kómirmen kómkerilgen áshekeıler