Geımerlik quraldar shyǵarýǵa mamandanǵan amerıkalyq Razer kompanııasy CES 2017 halyqaralyq elektronıka kórmesinde úsh monıtory bar Project Valerie noýtbýgin tanystyrdy, dep habarlaıdy N+1.
Ázirge jańa noýtbýktiń 4K-ekrandary 11520×2160 pıkselden turatyny belgili. Basylymnyń aıtýynsha, kompanııa kompıýterdiń tehnıkalyq sıpattamalary týraly tolyq aqparat bermegen. Bir belgilisi, noýtbýkke NVIDIA GeForce GTX 1080 vıdeokartasy ornalastyrylǵan.
Bir aıta keterligi, CES 2017 kórmesi - elektronıka quraldarynyń jańa úlgilerin tanystyrýǵa arnalǵan alań. Ol AQSh-ta 5 qańtar kúni bastaldy. Oǵan álemniń eń tanymal elektronıka alpaýyttary qatysýda.