Ýnıversıada chempıony Aldabergenova álem kýbogynda toǵyzynshy orynǵa ıe boldy, dep habarlaıdy QazAqparat.
10 aqpan kúni frıstaıl-akrobatıka sportynan Koreıanyń Kannyn qalasyndaǵy Býgvan Fıonıks Parkta álem kýbogynyń kezeńi bastalǵan bolatyn. Ýnıversıada oıyndary aıaqtala salysymen álem kýbogyna attanǵan frıstaıl-akrobatshylarymyz demalmaı jarysqa qatysyp ketti. Sodan bolar, bul joly Aldabergenova biz oılaǵan bıikti baǵyndyra almady. Ol 69,61 upaı jınap, jalpy esepte toǵyzynshy orynǵa ıe boldy. Bul synda úsh birdeı Qytaı sportshylary jeńiske jetti. Qalmurzaeva Aqmarjan 15-shi (57,71), Arapbaeva Jibek 23-shi (37,12) jáne Aqjigit Marjan 24-shi (32,76) oryndardan kórindi.
Erler arasynda Belarýs sportshysy jeńiske jetti. Qazaqstandyqtar arasynan Lım Dmıtrıı 17-shi (82,53), Badrýtdınov Ildar 20-shy (80,32) jáne Baǵlan Ińkárbek 29-shy (57,64) oryndarǵa jaıǵasty.