10 aqpan kúni Máskeý qalasynda Qyzylorda oblysynyń ákimi Qyrymbek Kósherbaev QR Premer-Mınıstriniń birinshi orynbasary Asqar Mamın men Reseı Federasııasy Úkimeti Tóraǵasynyń orynbasary Dmıtrıı Rogozınniń kezdesýine qatysty. Kezdesýde «Baıqońyr» kesheni boıynsha yntymaqtastyq máseleleri talqylandy.
Kezdesý barysynda Qyrymbek Kósherbaev aımaq úshin mańyzdy máselelerdi, onyń ishinde Baıqońyr qalasy turǵyndarynyń jumyspen qamtylýy jáne «EKSPO-2017» halyqaralyq mamandandyrylǵan kórme qonaqtary men qatysýshylaryn qarsy alýǵa daıyndyq jumystaryn qozǵady.
Esterińizge sala keteıik, 26 jeltoqsanda Qazaqstan Respýblıkasy men Reseı Federasııasy memleketteri basshylarynyń Sankt-Peterbýrg qalasyndaǵy kezdesýinde taraptardyń «Baıqońyr» keshenindegi uzaq merzimdi áriptestik tujyrymdamasy bekitilgen bolatyn.
Taraptar «Baıqońyr» kesheni boıynsha úkimetaralyq komıssııanyń kezekti otyrysyn osy jyldyń sáýir aıynda Qyzylorda qalasynda ótkizý týraly kelisimge keldi.