Búgin Lev Gýmılev atyndaǵy Eýrazııa ulttyq ýnıversıtetinde memleket jáne qoǵam qaıratkeri, xalyq jazýshysy Ábish Kekilbaev atyndaǵy aýdıtorııa ashyldy.
Ýnıversıtet rektory Erlan Sydyqovtyń aıtýynsha, jańadan ashylǵan aýdıtorııada kúndelikti dáristerdi ótkizý arqyly qazaqtyń biregeı jazýshylarynyń biri - Ábish Kekilbaevtyń shyǵarmashylyǵymen etene tanystyrý josparlanǵan.
"Búgin Ábish aǵanyń dúnıeden ozǵanyna jyl tolyp otyr. Jyldyq asy berilip jatyr. Sol kúnge sáıkestendirip, Eýrazııa ulttyq ýnıversıtetinde ataqty jazýshy, qoǵam qaıratkeri Ábish Kekilbaevtyń aýdıtorııasyn ashyp otyrmyz. Belgili tulǵalardyń esimimen aýdıtorııa ashý - bul ýnıversıtetimizde qalyptasqan jaqsy bir dástúr. О́ıtkeni sol tulǵalarlyń ómiri, shyǵarmashylyǵy men qaıratkerliginen búgingi jastar tárbıe alýy qajet. Baǵdarlamamen oqytý óz aldyna, al tulǵalar arqyly tárbıeleý, ol da bilim berý ádisteriniń biri dep bilýimiz kerek. Aýdıtorııa ashý bul jaı taqtaısha ile salý emes. Ol jerde oqylatyn dárister, beriletin sabaqtar erekshe bir sezimde ótýi tıis. Máselen, búgingi sharaǵa qatysqan azamattar myna aýdıtorııada Ábishtiń ıisi ańqyp tur dedi. Odan artyq baǵa bar ma? Demek, jastardyń boıyna osy sezimdi quıa alatyn bolsaq, ol adamnyń rýxanı jaǵynan baı azamat bolyp qalyptasaýyna óz septigimizdi tıgizemiz", - deıdi E.Sydyqov.