20-26 qarasha kúnderi Qazan qalasynda (Tatarstan) mýaıtaıdan (taı boksy) Álem kýbogy ótti. Qazaqstan Respýblıkasy atynan eresekter sanaty boıynsha 5 sportshy, 16-17 jas aralyǵynda 7 sportshy baq synady, dep habarlady QR Mýaıtaı federasııasynyń baspasóz qyzmeti.
Eresekter quramasy úsh kúmis júldege ıe boldy: Saıasatov Elaman (51 keli), Galıev Ishan (57 keli) jáne Aqjanov Rústem (71 kelige deıin). Jastar eki altyn medal: Seıitbek Rymbek (54 kelige deıin) jáne Zaıakın Rýslan (63,5 kelige deıin), úsh kúmis: Magdeev Alekseı (45 kelige deıin), Arıfhanov Baqytjan (48 kelige deıin), Saǵyndyq Baǵdat (81 kelige deıin), eki qola: Orynbaı Aıan (60 kelige deıin) men Vadım Borko (54 kelige deıin) júlde jeńip aldy.
Álem kýbogyna 20 memleketten 300-den astam sportshy qatysty.