Qazaqtyń ulttyq kúresi men suńqarmen ań aýlaý IýNESKO-nyń materıaldyq emes mádenı muralar tizimine endi. Mundaı sheshimdi Efıopııada Materıaldyq emes mádenı muralardy qorǵaý jónindegi komıtet qabyldady.
«Qazaq kúresiniń» damýy qazaq halqynyń tamyry tereńnen tartylatyn tarıhymen tutasyp jatyr. Túrli bas qosýlar men mereke-toılar sporttyń osy túriniń saıysynsyz ótken emes. Kúshi basym túsip, jeńiske jetken balýandar halyqtyń qurmet tutar adamyna aınalǵan. Qazaqtyń uly batyry Qajymuqan esimi qazaq halqynyń tarıhyna ǵana enip qoıǵan joq, sonymen birge sportshylardyń álemdik elıtasynyń qataryna kirdi.
Aıta keterligi, suńqarmen ań aýlaý kóptegen elderdiń ulttyq oıyndary sanalady. Sondyqtan da suńqarmen ań aýlaýdy IýNESKO tizimine qosýdy Qazaqstannan bólek Birikken Arab Ámirlikteri, Avstrııa, Belgııa, Chehııa, Fransııa, Germanııa, Vengrııa, Italııa, Koreıa Respýblıkasy, Mońǵolııa, Marokko, Pákistan, Portýgalııa, Katar, Saýd Arabııasy, Ispanııa jáne Sırııa Arab Respýblıkasy usynǵan.
Taıaýda ǵana Materıaldyq emes mádenı mura komıtetiniń sheshimimen IýNESKO tizimine 12 mura engizilgen. Olardyń qatarynda ıoga, suńqarmen ań aýlaý, Naýryz meıramy, kýbalyqtardyń rýmba bıi, qazaqsha kúres bar.