«Aqtóbe» FK jańa bas bapkeri bolyp Rahaev Igor Vladımırovıch taǵaıyndaldy, dep habarlady klýbtyń baspasóz qyzmeti.
Igor Vladımırovıch Rahaev (26 mamyr 1973, Ýkraın SSR, KSRO) – ýkraınalyq fýtbolshy, alańdaǵy orny jartylaı qorǵaýshy. 2002 jyldan beri bapkerlik qyzmette. Ýkraına Premer-Lıgasyndaǵy Harkovtik «Metallıst» komandasynyń eks-bapkeri. Harkov memlekettik dene shynyqtyrý akademııasyn támámdaǵan.
Fýtboldaǵy alǵashqy qadamyn ekinshi odaqtyq lıgada 1990 jyly harkovtik «Maıak» komandasynda jasaǵan.
1992 jyldyń ortasynda Ýkraınanyń jaǵarǵy lıgasynda oınaıtyn Zaporeje qalasynyń «Torpedo» komandasyna aýysty.
1995 jyldan bastap «Metallıst» Harkov komandasynda oınady.
Al 1997 jyldan bastap «Metallısttiń» qosalqy quramynda óner kórsetti.
1998 jyldyń ekinshi jartysynan bastap Harkov qalasynyń «Arsenal» komandasynda áýesqoılar lıgasynda oınady.
Bapker retinde 2002 jyldan bastap 2005 jyldyń qańtar aıyna deıin «Arsenal» Harkov komandasyn baptady. Sondaı-aq 2005 jyldyń shilde aıynan jeltoqsan aıyna deıin «Metallıst» komandasynyń tizginin ustady.
2016 jyldyń qańtar aıynda Moldovanyń «Zarıa» komandasynyń bapkeri atandy. Mamyr aıynda Rahaev «Zarıamen» Moldova Kýbogyn jeńip aldy (klýb tarıhynda alǵash ret), alaıda birinshiliktiń aıaqtalýyna 3 oıyn qalǵanda bapker komandadan ketetinin málimdedi.