Osy jyldyń qarasha aıynyń qorytyndysy boıynsha Kaspıı qubyr konsorsıýmynyń Teńiz termınalynda 4 438 701 tonna (35 151 943 barrel) munaı tıeldi, dep habarlady «QazAqparat».
Bul Teńiz-Novorossıısk munaı tasymaldaý júıesi qoldanysqa engizilgen ýaqyttan bergi rekordtyq aılyq kólem bolyp esepteledi.
Konsorsıým málimetine qaraǵanda, buǵan deıingi rekord 2016 jylǵy naýryz aıynda tirkelgen. Ol kezde bir aıda tankerlerge 4 210 000 tonna munaı tıelgen.
Konsorsıýmnyń búkil tarıhy kezinde Teńiz termınalynda 4,3 myńnan astam tanker tıelip, olar arqyly 460 mln tonnadan astam munaı tasymaldandy. Onyń ishinde qazaqstandyq óndirýshilerdiń úlesine 398 mln tonnaǵa jýyq munaı tıesili bolsa, qalǵany – reseılik ónim.