Pavlodar oblysynda bıyl 82 egiz jáne 2 úshem dúnıege kelgen, dep habarlaıdy pavlodarnews.kz.
Oblystyq densaýlyq saqtaý basqarmasynyń basshysy Nurlan Qasymovtyń aıtýynsha, jyl basynan beri óńirde 10479 bala ómirge kelgen.
«Onyń ishinde 5146 sábı oblystyq perınataldyq ortalyǵynda týǵan. Balalardyń 2873-y uldar bolsa, 2273-sy qyzdar, – deıdi Nurlan Qasymov.
Vedomstvo usynǵan málimetke súıensek, aımaqta bıyl aıy-kúni tolmaı týǵan nárestelerdiń sany birshama azaıǵan. Máselen, byltyr 511 bala merziminen buryn dúnıege kelse, bıyl olardyń sany 488-ge azaıǵan. Bul faktorǵa ananyń qan qysymynyń artýy, qant dıabeti, búırek aýrýlary, tolyq joıylmaǵan túrli juqpalar, zııandy ádetter, óndiris sharttary jáne de basqa jaǵdaıdar sebep bolady.
Aıta keteıik, bıylǵy jyly oblysta perzent súıgen eń jasy úlken áıel 44-te bolsa, byltyr 49 jastaǵy ana dúnıege sábı ákelgen.