Elordada IID málimetine sáıkes, bir táýlikte polısııaǵa JKO týraly 80-nen astam habarlama kelip tústi.
«Bir táýlikte polısııaǵa JKO týraly 80-nen asa habarlama kelip tústi. Onyń 26-sy oqıǵa boıynsha materıaldyq shyǵyn kelgen. JKO saldarynan úsh adam zardap shekti», – delingen Astana IID baspasóz qyzmetiniń habarlamasynda.
Travmatologııa jáne ortopedııa ǴZI baspasóz qyzmetiniń habarlaýynsha, keshe mekemege 43 adam kelse, búgin zardap shekkender sany 87 adamǵa deıin jetti.
Al О́skemende kóktaıǵaq saldarynan kólik qozǵalysy aıtarlyqtaı qıyndaǵan.
Osyǵan deıin TJK 4 jeltoqsanda Qazaqstannyń birneshe oblysynda aýa-raıynyń qolaısyzdyǵynan jol júrýge shekteý qoıylǵanyn habarlaǵan. Atap aıtar bolsaq, kóktaıǵaq saldarynan Astana – Kókshetaý, Astana – Atbasar, Astana – Qaraǵandy baǵyttary boıynsha qoǵamdyq jáne júk kólikterine jol jabylǵan bolatyn.