Meksıkalyq boksshy Saýl «Kanelo» Alvarestiń promoýteri Oskar De La Hoııa Golovkın-Alvares arasynda 16 qyrkúıekke josparlanǵan jekpe-jektiń ótkizilýi múmkin negizgi eki jerdi atady.
«Biz Dallas pen Las-Vegastyń birin tańdaımyz. Osyǵan oraı aldaǵy eki aptaǵa kezdesý josparlanyp otyr. Jaqyn arada bul máselege qatysty naqty sheshimdi jarııalaımyn. Barlyǵy jankúıerlerdiń jekpe-jekti qaıdan kórgisi keletinine baılanysty. Kóptegen ınternet-alańdarynda osy suraq tóńireginde saýalnama júrgizilip, daýys berildi. Keıbiri – Dallasta, ekinshileri – Las-Vegasta tamashalaǵysy keledi. Desek te, jekpe-jek úshin jaqsy oryn tańdaımyz» dep habarlaıdy De La Hoııa.
Promoýter biraz buryn bul básekeni ótkizýge quqyly oryndar arasynda kósh bastaıtyn Los-Andjeles qalasyndaǵy Dodgers Stadium degen edi.
Aısáýle Sezbek