Sharaǵa qatysýshylar Tórtinshi óndiristik revolıýsııanyń keleshegin, júıeli ózgeristerdi, ekonomıkany tehnologııalyq jańǵyrtý, sonymen birge, kásipkerlik pen adamı kapıtaldy damytý máselelerin qozǵady. – Memleket basshysy Nursultan Nazarbaev óziniń Qazaqstan halqyna arnaǵan Joldaýynda elimizdiń jahandyq básekelestigin qamtamasyz etetin ekonomıkalyq ósimniń jańa modelin qurastyrýdy tapsyrǵan bolatyn. Táýelsizdik alǵaly beri Qazaqstan eki birdeı jańǵyrtý kezeńinen ótti. Bul kezeńderde elimizdiń saıası jáne ekonomıkalyq órkendeýiniń negizi qalanǵan bolatyn. Biz álemdegi básekelestikke qabiletti 50 eldiń qataryna kirdik. Úshinshi jańǵyrtý – bul Qazaqstannyń jahandyq básekelestiktiń jańa deńgeıine shyǵý joly, – dedi Álemdik ekonomıka jáne saıasat ınstıtýtynyń dırektory Erjan Saltybaev. Onyń sózine qaraǵanda, ekonomıkany jan-jaqty sıfrlandyrý men Tórtinshi óndiristik revolıýsııa ekonomıkalyq jáne áleýmettik damýdaǵy jyldamdatylǵan tehnologııalyq jańǵyrtýdyń negizgi sharty bolyp tabylady. Jıyn barysynda ǵalymdar men sarapshylar Qazaqstannyń jahandyq básekelestiktiń joǵary deńgeıine ótýi men Úshinshi jańǵyrýdy júzege asyrýǵa baılanysty pikirlerin ortaǵa sala otyryp, elimizde atalǵan baǵytta qolǵa alynǵan sharalardyń oń nátıje kórsetetinine senim bildirdi.
Joldybaı BAZAR, «Egemen Qazaqstan»