Jambyl oblystyq qorǵanys isteri jónindegi departamenti men oblystyq dene shynyqtyrý jáne sport basqarmasynyń uıymdastyrýymen, Taraz qalasynda Halyq Qaharmany, armııa generaly Saǵadat Nurmaǵambetov atyndaǵy oblystyq spartakıada ótti. Spartakıadada shaǵyn fýtbol, voleıbol, estafeta syndy sporttyń úsh túri qamtyldy.
Qorǵanys isteri jónindegi bólim qyzmetkerleri arasynda buqaralyq sportty damyta otyryp, dene shynyqtyrý jáne sportpen júıeli túrde aınalysýǵa tartý, sondaı-aq týǵan el tulǵalaryn este saqtaý maqsatyndaǵy sharaǵa Taraz qalasy men aýdandar boıynsha qorǵanys isteri jónindegi bólimderdiń jáne oblystyq departamenttiń qurama komandalarynan 228 sportshy qatysty. Árbir komanda óz múmkindiginshe baq synasyp, óner kórsetti. Jalpykomandalyq esep boıynsha, T.Rysqulov aýdany birinshi oryndy jeńip aldy. Qarataý qalasy ekinshi oryndy ıelense, úshinshi oryndy Taraz qalasy enshiledi. Oblystyń aýdandarynan kelgen qorǵanys isteri bóliminiń qyzmetkerleri batyr atyndaǵy sharaǵa atsalysty.
Hamıt Esaman,
«Egemen Qazaqstan»
Jambyl oblysy