Eshki sútiniń dárýmenge baı, adam aǵzasyna óte paıdaly ekeni belgili. Osyny eskergen atyraýlyq kásipker Vladımır Rozmetov balmuzdaq shyǵarýdy qolǵa aldy.
Ol basqaratyn «Atyraýagroónimderi» sharýa qojalyǵyna qarasty asyl tuqymdy eshki zaýytyndaǵy «Zaanen» eshkileriniń sany qazir bir myńnan asady. О́ndiris prosesteri qazirgi zamanǵy tehnologııalarǵa negizdelgen «Saraıshyq» zaýytynda eshki sútinen 15 túrli ónim óndiriledi. Aıran, súzbe, irimshik, qurt, maı, ıogýrt sekildi jeńsik astardyń qataryna endi balmuzdaq ta qosyldy. «Emdik qasıeti jaǵynan ana sútin almastyra alatyn eshki sútinen balalarǵa balmuzdaq jasaý týraly oı keldi. Ol úshin qajet jabdyqtardy Germanııadan aldyq. Oblystaǵy saýda oryndarynda «Saraıshyqtyń» ónimderine suranys joǵary», deıdi kásipker.
Baqytgúl BABASh, «Egemen Qazaqstan» ATYRAÝ