Medısınalyq saqtandyrýdyń barlyq qyzmetine jylyna 600 mıllıard teńge qajet. Bul týraly Densaýlyq saqtaý mınıstri Eljan Birtanov "Habar" telearnasyna bergen suhbatynda aıtty.
"Bul san halyq sany men olardyń medısınalyq kómekke júginýinen shyǵyp otyr. Zań kúshine endi, endi ol barlyq adamǵa mindetteledi: qyzmetkerler, jeke kásipkerler, jumysshylar - barlyǵy aýdarym jasap otyrýy tıis", - dedi mınıstr.
Sondaı-aq, mınıstr qorda aqshanyń jınalatynyna senimdilik bildirdi. "Bizde osy jyly birinshi qarajat retinde 22 mıllıard teńgemiz bar, al jalpy negizi kem degende 57 mıllıard teńge kerek. Osy qarajat kelesi jyly bolýy múmkin qaýip-qaterlerdi joıýy kerek. Munyń barlyǵy qordyń qarajat jaǵynan turaqsyzdyǵyn qamtamasyz etý maqsatynda talap etilip otyr", - dedi mınıstr.