Ult saýlyǵy – eldiń gúldenip, kórkeıýiniń negizi

Sharaǵa Parlament Májilisi Tóraǵasynyń orynbasary, «Nur Otan» partııasy fraksııasynyń basshysy Gúlmıra Isımbaeva, Májilis Tóraǵasynyń orynbasary Vladımır Bojko, den­saý­lyq saqtaý máselesi boıynsha partııalyq tálimger Záýresh Amanjolova, Densaýlyq saq­taý mınıstri Eljan Birtanov, Májilistegi partııa fraksııasynyń jáne QHA depýtattyq tobynyń músheleri, vıse-mınıstrler, orta­lyq jáne jergilikti atqarýshy mem­lekettik organdardyń ókilderi, res­pýb­lıkalyq jáne óńirlik medı­sınalyq ortalyqtar men úkimet­tik emes uıymdardyń basshylary, sondaı-aq, sarapshylar qaýym­das­tyǵy men beınebaılanys reji­minde aımaq ókilderi de qatysty.  Jıyndy ashqan M.Qul-Muham­med halyqtyń densaýlyǵyn jaqsar­typ, ómir sapasyn arttyrý Elbas­y saıasatynyń eń mańyzdy baǵyttary­nyń biri ekendigine erekshe toqtaldy. О́z kezeginde negizgi baıandama jasaǵan Densaýlyq saqtaý mınıstri E.Birtanov «Densaýlyq» mem­le­kettik baǵdarlamasyn júze­­ge asyrýdyń 2016 jylǵy qory­tyn­dysy boıynsha birqatar baǵyttar jóninde naqty derekter keltirdi.  «Atap aıtqanda, qoǵamdyq den­saýlyq saqtaý qyzmetiniń negizi qalyptasýymen qatar, elimiz­diń jeti aımaǵyndaǵy qalalyq emhanalarǵa aýrýlardy basqarý baǵdarlamasyn engizýge arnalǵan jańa joba júzege asyrylýda. Sondaı-aq, úkimettik emes uıymdar, jeke sektorlar jáne farmındýstrııa ókilderinen turatyn sapa jónindegi birlesken komıssııa qurylyp, qazaqstandyq ulttyq dárilik formýlıar engizý boıynsha jumystar da jalǵasyn tabýda. Sonymen qatar, mindetti medı­­sınalyq saqtandyrý júıesi en­g­izilip, adam resýrstaryn stra­tegııa­lyq basqarý jáne medısına­lyq bilimdi jańǵyrtý boıynsha naqty jobalar da qolǵa alynýda. Jáne sońǵysy, atalǵan salada mem­leket-jekemenshik árip­testik­ke basymdyq berilýde. Osy­ǵan oraı, mınıstrlik janynan Bız­nes-keńes óz jumysyn bastap, memleket-jeke­menshik áriptestikti jáne ınfra­qu­rylymdy damytýdyń jol kartasy daıyndalý ústinde», – dedi mınıstr. Alqaly keńeske qatysýshylar salaǵa qatysty jaýapty maman­darǵa ózderin tolǵandyrǵan san túrli saýaldaryn joldap, jaýabyn aldy. Ásirese, halyq qalaýly­lary medısınalyq mekemelerdegi mamandardyń tapshylyǵy men qyzmetkerlerdiń biliktiligin art­tyrý, medısına qyzmetiniń sapasyna baqylaýdy kúsheıtý, medı­sınalyq mekemelerdi ınternetpen tıisti deńgeıde jabdyqtaý, sanıtarlyq avtokólikpen qamtý, emdelýge kvota alý, bólshektep satylatyn dárilik preparattar­dyń baǵasyn retteý, sondaı-aq, naýqastardyń tekserilýge jáne emdelýge ketken shyǵyndaryn óteý syndy ótkir máselelerdi ortaǵa saldy. Sol sebepten de bastapqy medısınalyq-sanıtarlyq kómek júıesindegi medısınalyq qyzmetti ortalyqsyzdandyrý, salamatty ómir salty jónindegi baǵdarla­maǵa aıryqsha kóńil bólý jáne adam aǵzasyna qaýipti qaldyqtar­men aýany lastaıtyn óndiris oryndarynyń jaýapkershiligin kúsheıtýge qatysty naqty usy­nystar joldanǵan jıynda min­detti áleýmettik medısınalyq saq­tandyrýdy engizý jónindegi ma­ńyz­dy reformanyń mán-mańyzy da jan-jaqty talqylandy.  Partııalyq tyńdaý kezinde jasalǵan usynystardyń barlyǵy jaqyn kúnderi tıisti organdarǵa joldanbaq. Aıta keteıik, elimizde sońǵy 5 jyl ishinde 381 densaýlyq saqtaý nysandary salynǵan bolsa, onyń 19-y – aýrýhana, 41-i – emhana jáne 314-i – dári­gerlik ambýlatorııa. Memleket medı­sınalyq mekemelerdi zamanaýı qymbat jabdyqtarmen qamtamasyz etý jaıyn da nazardan tys qaldyrmaýda. Nátıjesinde, medısınalyq kómek kórsetý joǵary tehnologııalyq deńgeıge jetti. Ásirese, kardıohırýrgııa, transplantologııa, neırohırýrgııa, travmotologııa, ortopedııa jáne taǵy basqa salalar boıynsha kórsetkishter joǵary.

Nurlybek DOSYBAI, «Egemen Qazaqstan»