Qaıta jańartylǵan «Qostanaı-Máskeý» áýe reısi aptanyń 2, 4, 7-shi kúnderi jasalady, dep habarlaıdy «Alau» portaly.
Qostanaı áýejaıy dırektorynyń kómekshisi Aleksandr Andreev habarlaǵandaı, bul reısti qaıta iske qosý týraly kelissózder uzaq ýaqyt boıy júrgizilip, «Aeroflot» kompanııasy ınnovasııalyq usynys jasaǵan.
«Biz birinshi olarmen baılanystyq. Olar qazaqstandyq naryqqa shyǵý máselesin qarastyrdy. Nátıjesinde, bizben birge jumys isteý týraly sheshim qabyldady. 4 maýsym kúni birinshi reıs jasaldy. Reıs sátti ótti. Ushaqtaǵy oryndardyń 90%-yna bılet alynǵan. Satylym júrip jatyr, suranys joǵary», dedi Aleksandr Andreev.
Budan bólek, Qazaq Air kompanııasy Astanaǵa reıs ashýdy josparlap otyr. Aptanyń ekinshi kúni ushyrylatyn bolady. Kómekshiniń aıtýynsha, kompanııa 20 maýsymnan bastap kestege kirgiziledi.