Halyqtyń tabıǵı qozǵalysy
AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2017 jylǵy qańtar-sáýirde týylǵandar sany 121,5 myń adamdy qurady, bul 2016 jylǵy qańtar-sáýirge qaraǵanda 7,4% az. Týýdyń jalpy koeffısıenti 1000 adamǵa 20,49 týylǵandardy qurady.
2017 jylǵy qańtar-sáýirde respýblıka halqynyń tabıǵı ósimi 2016 jylǵy qańtar-sáýirmen salystyrǵanda 9,0 myń adamǵa nemese 10,4% kemip, 77,2 myń adamdy qurady. Tabıǵı ósimniń jalpy koeffısıenti 1000 adamǵa shaqqanda 13,01 adamdy qurady.
Qarastyrylyp otyrǵan kezeńde qaıtys bolǵandar sany 44,3 myń adamdy qurady, bul 2016 jylǵy qańtar-sáýirge qaraǵanda 1,5% az. О́lim-jitimniń jalpy koeffısıenti 1000 adamǵa 7,48 qaıtys bolǵandardy qurady.
2017 jylǵy qańtar-sáýirde respýblıkada 1 jasqa deıingi 1054 náreste ólimi tirkeldi. 2016 jylǵy qańtar-sáýirmen salystyrǵanda 1 jasqa deıingi shetinegen náreste sany 24,5% azaıdy.
Náreste ólim-jitiminiń negizgi sebebi - perınataldyq kezeńde paıda bolatyn jaǵdaılar, budan 2017 jylǵy qańtar-sáýirde 506 náreste qaıtys bolyp, náresteler arasyndaǵy jalpy ólim sanynyń 48,0% qurady. Týa bitken aýytqýlardan 256 nemese 24,3%, tynys organdary aýrýlarynan – 78 nemese 7,4% jáne jazataıym jaǵdaıdan, ýlanýdan jáne jaraqattan – 62 nemese 5,9% náreste qaıtys boldy. 2017 jylǵy qańtar-sáýirde náreste ólim-jitiminiń koeffısıeti 1000 týǵandarǵa shaqqanda 8,68 qurady.
Kóshi-qon qyzmeti organdary usynǵan málimetterdi óńdeý nátıjesinde, 2017 jylǵy qańtar-sáýirde elimizge turǵylyqty turýǵa kelgenderdiń tirkelý sany 2016 jylǵy qańtar-sáýipmen salystyrǵanda 42,2% kóbeıip, 5 888 adamdy qurady. Elimizden ketken kóship-qonýshylardyń tirkelý sany 0,8% kóbeıip, 7 727 adamdy qurady, kóshi-qonnyń aıyrymy -1 839 adam boldy.
Elimizdegi negizgi kóshi-qon almasýy TMD memleketterimen bolýda.
• TMD elderinen kelgenderdiń úlesi 68,3%; • TMD elderge ketkenderdiń úlesi 86,9% qurady.
О́ńiraralyq kóship-qonýshylardyń úlesine elimizdiń jalpy ishki kóship-qonýshylar sanynyń 33,8% kurady. О́ńiraralyq kóshi-qonnyń oń aıyrymy:
• Astana qalasy – 18 052adam; • Almaty qalasy – 7 800 adam; • Aqmola oblysy – 1 361 adam; • Almaty oblysy – 814 adam; • Atyraý oblysy – 21 adam qalyptasty.