2017 jyly memlekettik balabaqshalarǵa 6310 oryn bólingen, onyń 2542-i berilgen, dep málimdedi Astana qalasy Bilim basqarmasy basshynyń m.a. Ánýar Janǵozın.
- Jalpy orynnyń jetispeýshiligi eki faktorǵa baılanysty. Birinshiden, kún saıyn kezek qataryn 90 búldirshin tolyqtyryp otyrady. Onyń 20-y qonys aýdarýǵa baılanysty jáne 70 bala týý esebinen. Ekinshi faktor – balabaqsha jetispeýshiligi, - dedi Ánýar Janǵozın.
Balabaqshalarda kezek kim, qashan ótinish bergenine baılanysty qalyptasady. Iаǵnı, kim birinshi ótinish berse, sol tıisinshe birinshi bolyp tirkeledi, deıdi Janǵozın.
- Buny balanyń týǵan kúnimen, jylymen baılanystyrýdyń qajeti joq dep oılaımyn. Bul jerde ár jas ereksheligine ártúrli oryn beriledi. Iаǵnı bul balabaqshalarda oryndardyń bosaýyna baılanysty. Qazir jalpy bizde týylǵan jylymen oryn sany teń bólinbegen. Alaıda biz kezekte kóp turǵan balalardyń jas tobyna qarap, kóbirek oryn bólýge tyrysamyz, - deıdi Astana qalasy Bilim basqarmasy basshynyń mindetin atqarýshy.
Bul máselege qatysty jaǵdaıdy memlekettik-jeke seriktestik sheńberindegi mektepke deıingi bilim berý mekemesin salý sheshedi, dep sanaıdy, Ánýar Janǵozın.
- Taıaýda ǵana balabaqshalar qurylysyna qatysty memlekettik-jeke seriktestik aıasynda qol qoıdyq. 2018-2019 jyldary 6 balabaqsha salýdy josparlap otyrmyz. Budan bólek, jeke menshik balabaqshalar salý boıynsha jumystardy qarqyndy jalǵastyryp jatyrmyz. Qazir ótinishter qabyldaýdamyz. Bıyl taǵy memlekettik tapsyrma boıynsha jeke menshik 40 balabaqsha iske qosylady dep oılaımyz, - dep tolyqtyrdy ol.
Janǵozınniń málimetinshe, 2006 jyly Astanada memlekettik tapsyrys boıynsha 44 jeke balabaqsha jumysyn bastaǵan.
- Elordada jeke menshik balabaqshalardyń sany memlekettik balabaqshalarmen teńesti, tipti sany odan da artty, - deıdi ol.
Astana qalasy ákimdiginiń medıa ortalyǵy buǵan deıin habarlaǵandaı, balabaqshaǵa joldama berý merzimi 15 kúnnen 5 kúnge qysqardy. 2017 jyly memlekettik balabaqshalarda bólingen oryndardyń teń jartysy bos bolǵan.
- Biz elektrondyq poshtaǵa sms habarlama jiberemiz. Alaıda ol adamdardan eshqandaı jaýap joq. Múmkin keıbiri Astanadan ketip qalǵan shyǵar, biraq kezekte tur. Sáıkesinshe, kezek basqa bireýge beriledi, - dep tolyqtyrdy Á.Janǵozın.