«Qyrǵyz zaly» jańa kitaptarmen tolyqty

Keshe atalmysh kitaphanada ótken Qyrǵyzstan Respýblıkasy Ulttyq kitaphanasynyń dırektory Jyldyz Bakashevamen kezdesý osy aksııanyń sheńberinde uıymdastyryldy. 

Kezdesý barysynda Jyl­dyz Kemelqyzy mádenı ynty­maqtastyqty damytýǵa qatys­ty tájirıbesimen bólis­ti. Qyr­ǵyzstandaǵy kitap­hana­lar­dyń, kitaphana qyzmet­kerleriniń jaǵdaıynan habardar etti. О́zi basqaratyn Ulttyq kitaphananyń búginde tek oqyrman tartý ju­mysymen shektelmeı, ha­lyq­­aralyq jáne mem­lekettik sha­ra­lardyń uıytqysy bolyp otyrǵanyn baıan­dady. Ol sondaı-aq, M.Áýezovtiń 120 jyldyq mereı­toıyn Qyrǵyzstannyń Ulttyq kitaphanasy da kúz mez­gilinde óz deńgeıinde atap ótýge peıildi ekenin jetkizdi.

Jyldyz hanym eń alǵash «Manasty» orys tiline aýdaryp, qyrǵyz ádebıetine mol eńbek sińirgen etnograf-ǵalym Shoqan Ýálıhanov, «Manas» haqynda zertteý jazǵan qazaqtyń uly jazýshysy Muhtar Áýezov týraly, Jambyl men Toqtaǵuldyń dostyǵyn, akademık Zeınolla Qabdolovtyń ónegesin áńgimeledi. Ulttyq kitaphanada olardyń eńbekteri turǵanyn jetkizdi. Kitaphana dırektory Ulttyq aka­demııalyq kitaphanadaǵy «Qyr­ǵyzstan ádebıet ortaly­ǵynyń» qoryn tolyqtyrý maq­satynda qyrǵyzdyń ataqty jyr­shysy Saıaqbaı Qaralaev jyrlaǵan «Manastyń» tolyq, ensıklopedııalyq nusqadaǵy kitabyn, «Manas» dastanynyń dıskisin, «Aıtmatov qalamy», «Kyr­gyz akylmandyǵy», taǵy bas­qa qyrǵyzdar úshin óte ma­ńyzdy degen birneshe kitapty syıǵa tartty.

Kezdesýdi júrgizgen Ulttyq akademııalyq kitap­hananyń dırektory Úmithan Muńalbaeva eki eldiń arasyndaǵy mádenı baılanystardyń óristeı bere­tinin aıta kele, keler jyly qyr­ǵyzdyń ataqty jazýshysy Shyń­ǵys Aıtmatovtyń 90 jyldyq mereıtoıy kele jat­qanyn eske salyp, jazý­shy­nyń me­reıtoıyn toılaý­da qazaq baýyr­lardyń da shet qal­maı­tynyn atap ótti.

Is-sharaǵa Qazaqstandaǵy Qyrǵyzstan Res­pýblıkasy elshiliginiń birinshi hatshysy Cholponaı Adjımatova, aqyn, dramatýrg, jyrshy-jyraý Baıanǵalı Álimjanov, Qyr­ǵyzstannyń Shvesııadaǵy qur­mett­i konsýly Nurlan Mamyrov qatysty.

Aıgúl Seıilova, «Egemen Qazaqstan»