EKSPO-2017 halyqaralyq mamandandyrylǵan kórmesiniń saltanatty jaǵdaıda ashylýy teatrlandyrylǵan kórinispen bastaldy.
Onda jer-anadan, kúnnen jáne sýdan qýat alǵan alyp sfera dúnıejúzin aınala ushyp qazaq dalasyna, Astanaǵa keledi. Sonymen qatar, kóriniste sonaý babalar zamany men búgingi jańa zaman tynysy sýrettelgen. Alyp sfera qalyqtaı júrip, qazaq dalasy arqyly adamzat álemine shýaq shashady.
Halyqaralyq sharadaǵy Qazaqstan ulttyq pavılonynyń da alyp sfera túrinde boı kótergenin eske salamyz. Onyń bıiktigi 100 metrge sozylsa, dıametri 80 metr bolady.
Ashat RAIQUL, «Egemen Qazaqstan»
Sýretterdi túsirgen
Erlan OMAROV, «Egemen Qazaqstan»