Qala turǵyndary men qonaqtaryna qolaıly jaǵdaı jasaý maqsatynda ári EKSPO kórmesiniń keshenine tez jetý úshin qalada 12-qyrkúıekke deıin 11 772 mashına syıatyn 14 arnaıy turaq jumys isteıtin bolady, - dep habarlady Astana LRT kompanııasynyń ókilderi Elorda ákimdiginiń medıa ortalyǵyna.
«Kólik qoıatyn oryndar kelesi meken-jaılar boıynsha ornalasqan: Elorda saıabaǵy, «Qazaqstan» SK, Oqýshylar saraıy, «Astana arena», «Barys arena» stadıondary, «Dýman» OSO, qala saıabaǵy, beıbitshilik jáne kelisim saraıy, Máńgilik El jáne Turan dańǵyldary, «Music Hall» meıramhanasy, «Alataý» SK, 31-kóshe, «Han Shatyr» OSO», - delingen kompanııa habarlandyrýynda.
Tolyǵyraq myna karta arqyly tanysa alasyzdar
«Kólikterińizdi tastap, aıaldamalarǵa sırek toqtaıtyn (ortasha eseppen 8) EKSPO aýmaǵynyń boıymen ótetin Shuttle Bus avtobýsymen 7 baǵyt boıynsha qatynaı alasyzdar. Avtobýstar tańerteńgi saǵat 6.50-den túngi 23.46 deıin júredi», - delingen baspasóz paraǵynda.
Shuttle Bus baǵyttarynyń ınteraktıvti kartasy.
Júrý aralyǵy – 5-20 mınýt. Bılet quny – 150 teńge.
Baǵyttar:
№503: «Alaı» kólik haby –«Arnaý» TK
№504: «Dostar-1» TK – klınıkalyq-beıimdeý ortalyǵy
№506: «Kenmart» SOO – «Qazanat» ıppodromy
№500: halyqaralyq áýejaı – «Nurly Jol» temirjol vokzaly
№502: «Astana» temirjol vokzaly – «Arnaý» TK
№501: «Rahmet» OSO– klınıkalyq-beıimdeý ortalyǵy
№505: «Nurly Jol» temirjol vokzaly – «Arnaý» TK