Qos komanda arasyndaǵy match Almaty qalasyndaǵy Ortalyq stadıonda ótti. Kezdesýde alǵashqy gol 27-mınýtta soǵyldy. Urymtal sátte Nıkolaı Iorgensen qaqpany dál kózdep, Danııa quramasyn alǵa shyǵardy. Alǵashqy taımnyń aıaqtalýyna eki mınýt qalǵanda Qazaqstan kapıtany Baýyrjan Islamhan áýedegi dopqa talas kezinde óreskel tártip buzǵany úshin alańnan qýyldy.
Matchtyń ekinshi taımy da jerlesterimiz úshin ońaı bolmady. 51-mınýtta aıyp alańynda Iýrıı Logvınenko Iýssýf Poýlsendi shalyp jyqqany sebepti 11 metrlik aıyp doby belgilendi. Bul tusta Krıstıan Erıksen múmkindigin múlt jibermeı, esepti 2:0-ge jetkizdi.
76-mınýtta Qýat Islambek qaqpashymen jeke shyǵyp, esep aıyrmasyn qysqarta bildi. Osy goldyń arqasynda alańdaǵy oıynshylardyń da, stadıonǵa jınalǵan jankúıerlerdiń de boıynda senimdilik paıda bolǵan edi. Alaıda, arada bes mınýt óter-ótpes dat fýtbolshylary basymdyqty arttyryp úlgerdi. Matchtaǵy sońǵy núkteni jas talant Kasper Dolberg qoıdy.