Google kompanııasy óz qaramaǵyndaǵy YouTube vıdeohostınginde ekstremıstik baǵyttaǵy beınerolıkterdiń taralýyna qarsy kúresti kúsheıtedi. Bul týraly keshe korporasııanyń resmı málimdemesinde aıtyldy.
Kompanııa terrorızmdi nasıhattaýǵa baǵyttalǵan jáne ózge de ekstremıstik sıpattaǵy kontentti avtomatty túrde anyqtap, óshiretin quraldaryn jańartyp, jetildiredi. Sondaı-aq Google mundaı vıdeolardy anyqtaýmen aınalysatyn qyzmetkerler sanyn arttyrýdy da kózdep otyr.
Budan bólek, kompanııa ókilderi ınternet jelisinde ekstremıstik materıaldardyń taralýyna qarsy kúres júrgizip otyrǵan qoǵamdyq uıymdarmen yntymaqtastyq ornatýǵa ýáde berdi.
«Ekstremıster men terrorshylar bizdiń qaýipsizdigimizge nuqsan keltirip qana qoımaı, qoǵamǵa ashyqtyq ári erkindik beretin qundylyqtarymyzdy da joıǵysy keledi. Biz oǵan jol bermeımiz», – delingen kompanııanyń málimdemesinde.