Akademııa bitirgen mamandar jumyssyz júr

Memlekettik qyz­met­shi­lerdi qaıta daıarlaý já­ne bi­liktilikti arttyrý aı­maq­tyq ortalyǵynyń dırektory Sabyr Ibraevtyń kýrs­tar­dan ótken memlekettik qyz­metshiler mindetti túr­de sybaılas jemqorlyq zań­namasyna qatysty test tap­syratyny, jyl basynan osyndaı synaqtan 266 tyń­daýshy ótkeni, olardyń 51-i «úzdik», 77-si «jaqsy», 131-i «qanaǵattanarlyq», al 7-i «qanaǵattanǵysyz» nátıje kórsetkeni týraly baıandaǵan aqparatyna saı oblys ákimi Qumar Aqsa­qa­lov memleket qar­jy­sy ju­m­­salatyn kýrstar kóbine dá­­ris oqý úshin ǵana jumys is­­teıtinin, qyzmet sapasyn jaq­sartý sharalary kó­ńil kón­shitpeıtinin atap kór­set­ti.

«Oqýǵa, biliktiligin je­til­dirýge jiberilgen ma­man­dar qyzmetine oral­ǵan kezde tyń oımen, jańashyldyq ıdeıamen erekshelenýi tıis. О́ki­­nish­tisi sol, mundaı óz­ge­rister baıqalmaıdy. Mem­le­kettik basqarý akadem­ııa­syn bitirip kelgen 19 tyńdaýshynyń jartysynyń ǵana qyzmeti ósken. Beseýi ju­myssyz júr. Kýrstar, oqýlar qaı­ta­rym bermeıtin bol­sa, memlekettik qyz­met­shi­ler­diń biliktiligin artty­rý­ǵa yqpal jasalmasa, onda mem­­leket qarjysyn tekke rá­­sýa etý degen sóz», dedi Qu­­mar Irgebaıuly máseleni tó­­te­sinen qoıyp. Qaǵazdaǵy esep úshin memlekettik qyz­met­shilerdi oqytýdyń qa­je­ti joq ekenin basa aıtty.

Sybaılas jemqorlyqqa qarsy is-qımyl jónindegi ult­tyq bıýronyń óńir boı­yn­sha departamentiniń bas­shysy Nyǵmetjan Saparov memlekettik qyzmetshiler ju­mys ýaqytynda ǵana emes, odan tys kezde de ózderin durys ustaýy tıis­tigin jetkizdi. Olardyń arasynda júrgen ortada júris-tu­rys­taryn, das­tarhan ba­syn­daǵy otyrystaryn túr­li áleýmettik jeliler ar­qyly jarnamalaıtyndar, by­laısha aıtqanda, ádep nor­­masyn saq­ta­maıtyndar az emes.

 Osy rette Q.Aqsaqalov bar­lyq memlekettik or­gan­dar­dyń saıttaryn ja­ńartyp turýǵa basa kó­ńil bólý qajet­ti­gin jınal­ǵan­dardyń esine saldy. «Aýdan ákim­deriniń saıt­taryn qa­ra­sań, bıýdjet qa­ra­ja­ty­nyń qaıda jum­sa­lyp jatqany, mem­le­kettik satyp alýlar týraly aqparat múldem joq. Bir aýdanda, tipti, aqparat 2015 jyldan beri jańartylmaǵan. Mem­lekettik organdar ju­mysyna turǵyndardan tú­se­tin aryz-shaǵymdardyń azaı­maýynyń bir sebebi osy», dedi ol.

О́mir ESQALI, «Egemen Qazaqstan»

Soltústik Qazaqstan oblysy