Halyqaralyq EHRO kórmesi aıasynda ótetin kesh oǵan jaqsy múmkindik usynyp otyr. Bireý bilse, bireý bilmes, dál osy Dımash Nııazov Nıý-Iorktiń qazaq polısııasy degen atpen keńinen tanymal.
Muhıttyń arǵy jaǵynda turatyn jerlesimiz Dımash Nııazov kásipqoı rıngte 11 kezdesý ótkizip úlgerdi jáne barlyǵynda jeńiske jetti. Ásirese Detroıtta bolǵan jekpe-jek kópshiliktiń esinde erekshe saqtalyp qaldy. О́ıtkeni ol domınıkandyq qarsylasyn 5-raýndta joıqyn soqqysymen nokaýtqa jiberdi.
- Bokspen eń alǵash Qazaqstanda aınalysa bastadym. Bapkerim Nurǵalı Safıýllın bolatyn. Qazir ol olımpıadalyq quramany daıyndaıdy. Mine, sol irgetastyń arqasynda boks álemine jaqsylap sińise aldym. Qazirgi jeńisterimniń barlyǵyn qazaqstandyq mekteppen jáne qanda bar qasıetimizben baılanystyramyn. Astanadaǵy kezdesý qyrkúıek aıynda ótedi. Qanat Islamnyń boks keshinde men de óner kórsetetin boldym. О́te qýanyshtymyn. Qazir elorda qatty ózgergen. Halyqaralyq EHRO kórmesi ótip jatyr. Mine, osynyń aıasynda men de qarsylasymdy jeńip, halqyma erekshe áser syılaǵym keledi, - dedi Dımash Nııazov.
Aıta keteıik, Dımash Nııazov Nıý-Iorkte tártip saqshysy qyzmetin atqarady jáne jaı ǵana polıseı emes, beıbit zamannyń batyry. Birneshe ret qaýipti qylmyskerlerdiń jolyn kesip, arnaıy marapat aldy.