Szıansý: shyǵys sáýlesi

EKSPO kórmesi aıasynda ótken Szıansý provınsııasy aptalyǵynyń ashylý kúninde Qazaqstan men Szıansý óńiri bıznes-qoǵamdastyqtary ókil­deriniń qatysýymen Qazaqstan-Qytaı bıznes forýmy bolyp ótti. Forým jumysyna 200-den astam delegat qatysty. Onyń ishinde Szıansý provın­sııasynyń vıse-gýbernatory Chen Chjennın, QHR-dyń Qazaq­standaǵy elshisi Chjan Hanhýeıa bastaǵan qytaı­lyq isker jáne saıası toptar­dyń ókilderi bar. Szıan­sý pro­vın­sııasy QHR-daǵy ekono­mıkalyq jáne áleý­mettik damý jaǵynan aldyńǵy qatar­dan kórinip kele jatqan óńir­lerdiń biri. 2016 jyly pro­vınsııanyń IJО́ kólemi 7 608,6 mıllıard ıýandy qurady. Ekonomıka kólemi jaǵynan provınsııa eldegi ekinshi oryndy turaqty ıelenip keledi. Jan basyna shaq­qan­daǵy IJО́ kólemi 95 259 ıýanǵa jetip, burnaǵy jyldarmen salystyrǵanda 7,5 paıyzǵa artty. Bul pro­vın­sııa QHR-dyń «Bir bel­deý – bir jol» jobasyna bel­sendi túrde qatysyp, kóne Jibek jolynda ornalasqan elderge ınvestısııa salýda aldyńǵy qatardan kórinýde. 2016 jyly provınsııa Jibek joly boıynda ornalasqan 64 eldiń 54 eline ınvestısııa saldy. Olardyń qatarynda Indo­nezııa, Sıngapýr, Kam­bodja, Taıland jáne Pákis­tan bar. Provınsııa salǵan jalpy ınvestısııa kólemi 5,7 mıllıard AQSh dollaryn qurap otyr.  Jańǵyr­maly ener­getı­kany damytý sala­synda Szıansý provınsııasy el kóle­mi boıynsha kósh bastap keledi. Munda kún, jel jáne sý ener­getıkasyn damytý maq­satyn­da júıeli de kólem­di jo­ba­lar is júzine asy­rylýda. EKSPO-2017 kór­mesi aıasynda ótken bıznes-forým barysynda jańǵyrmaly energetıkany odan ári damytý máseleleri jan-jaqty sóz boldy. Forým jumysynda sóz sóılegen Szıansý vıse-gýbernatory Chen Chjennın qytaılyq «Bir beldeý – bir jol» strate­gııa­sy men qazaqstandyq «Nur­ly jol» memlekettik baǵ­dar­la­masy ıdeıa­larynyń ser­pin­di d­a­mýy­­na Astanadaǵy EKSPO-2017 kórmesiniń ba-l­a­­­­­m­asyz alań bolyp otyr­ǵan­­­dyǵyn atap kórsetti. О́z kezeginde osy forýmdy uıym­­dastyrýshylardyń biri, Qa­zaq­­stan Investısııa­lyq yn­ty­­maqtastyq agenttigi­niń bas dırektory Aıdyn Baıedilov jáne Qazaqstan Par­­la­menti Májilisiniń depý­ta­ty Baqtııar Máken eki el kásip­ker­leriniń arasyndaǵy osy yntymaqtastyq baıla­nystyń ekonomıkaǵa úlken tıimdilik ákeletindigin tilge tıek etti.  Qytaı pavılonyndaǵy Szıansý provınsııasy apta­ly­ǵynyń ashylýyna baı­lanysty ótken saltanatty jıyn sol óńirden arnaıy kelgen óner sheberleriniń konsertine ulasty.   

Jylqybaı JAǴYPARULY,

«Egemen Qazaqstan»

Sýretterdi túsirgen  Orynbaı BALMURAT,

«Egemen Qazaqstan»