Osymen altynshy ret uıymdastyrylyp jatqan bul baıqaýǵa elimizdiń mańdaı aldy áskerı orkestrlerimen birge kórshi Qytaı men Reseıdiń úzdik áskerı óner ujymdary qatysty. Al irikteý syndarynan súrinbeı ótken úzdik áskerı orkestrlerdiń qatarynda Ulttyq ulannyń úlgilik kórsetimdi orkestri, Áskerı ınstıtýttyń orkestri, Ulttyq ulannyń «Ońtústik», «Ortalyq», «Batys» jáne «Shyǵys» óńirlik qolbasshylyqtarynyń áskerı orkestrleri óz ónerlerin kórermen nazaryna pash etti.
Sonymen birge festıvaldiń aqtyq óner keshinde Memlekettik kúzet qyzmetiniń (Prezıdenttik orkestr) áskerı orkestri men Qurmet Qaraýyl rotasy, Ulttyq Qaýipsizdik komıteti Shekara qyzmetiniń birlesken orkestri men Qorǵanys mınıstrliginiń Ortalyq orkestri qatysty. О́ner dodasynyń kórkin shet elderden kelgen Reseı Federasııasy Ulttyq ulany áskeri Oral okrýgy shtabynyń áskerı orkestri men Qytaı Halyq Respýblıkasy Halyqtyq qarýly polısııasynyń orkestri qyzdyra tústi.
Otansúıgishtik pen urpaqtar sabaqtastyǵy rýhynda órilgen Plas-konsert «EKSPO-2017» halyqaralyq kórmesi is-sharalary aıasynda uıymdastyrylyp, ondaǵy klassıkalyq, halyqtyq jáne estradalyq mýzykalyq týyndylarmen qatar, jaýyngerlik parad-defıle, áskerı-qyzmetshilerdiń qarý-jaraqpen kórsetilgen tanymdyq kórsetilimderi Astana jáne onyń qonaqtary úshin este qalarlyqtaı áser qaldyrdy.
Ásirese, jurtshylyqty Prezıdenttik orkestr men Ulttyq ulan úlgilik kórsetimdi orkestri oryndaǵan týyndylar erekshe tánti etti. Elimizdiń eńbek sińirgen qaıratkeri Tilek Erǵalıev jetekshilik etetin Prezıdenttik-úrmeli orkestr Máskeýde ótetin áıgili halyqaralyq «Spasskaıa bashnıa» festıvaliniń turaqty qatysýshysy. Sondaı-aq, óner ujymy elimizdiń dańqyn túrli álemdik baıqaýlarda abyroımen tanytyp júrgenin de aıta keteıik. Bul keshte ónerpazdar tamasha shoý uıymdastyryp, kórermen qaýymnyń kóz qýanyshyna aınaldy.
Reseıdiń eńbek sińirgen ártisi podpolkovnık Valerıı Belıkov dırıjerlik etetin Ekaterınbýrg qalasynan kelgen Ulttyq ulan áskeri Oral okrýgy shtabynyń orkestri de qalyń qaýymǵa kóterińki kóńil-kúı syılady. Kásibı deńgeıde oryndalǵan týyndylar kórermen qoshemetine bólendi. О́ıtkeni, óner ujymy qazaq eline qurmet retinde Abaıdyń «Kózimniń qarasy» men «Naýryz» áýenin dombyramen súıemeldeı oryndap, keshke jınalǵan jurtshylyqtyń erekshe yqylasyn týdyrdy.
Qytaılyq Lı Sychen jetekshilik etetin Halyqtyq qarýly polısııasynyń «Zashıtnık» orkestri osymen ekinshi ret Ulttyq ulan Bas qolbasshysynyń júldeleri úshin ótken halyqarlyq festıvalǵa qatysty. Quramynda daryndy da sheber oryndaýshylary bar mýzykanttar bul joly bar ónerlerin ortaǵa saldy. Ásirese, qytaılyq kompozıtorlardyń týyndylaryn oryndaǵan orkestr jınalǵan qaýymdy ózderiniń tól mádenıetimen tánti etti.
Kesh barysynda 150 adamnan quralǵan ulandyq jaýyngerler ishki ister organdarynyń 25 jyldyǵyna tartý retinde «IIM», «25», «UU», «KZ» áripteri men sandaryn sap túzep salyp, Ulttyq ulan Án-bı ansambliniń solısteri «Polısııa qyranymyz» ben «Ulandar» atty Ulttyq ulan ánuranyn oryndady.
Festıval qatysýshylarynyń birge oryndaǵan «Drýjba» áýeni úsh el arasyndaǵy myzǵymas yntymaqtastyqty áspettegendeı boldy. Sonymen qatar, orkestr músheleriniń «Qazaq eli» ánin naqyshyna keltire oryndaýy, saltanatty sharanyń sharyqtaý shegin shalqyta túskendeı.
Jalpy, festıval qorytyndysy boıynsha Ulttyq ulan Bas qolbasshysy general-leıtenant Rýslan Jaqsylyqov óz atynan arnaıy syılyqtar men dıplomdardy Reseı, Qytaı jáne elimizdiń Prezıdenttik, Qorǵanys mınıstrliginiń Ortalyq orkestri men Shekara qyzmetiniń birlesken orkestrleriniń jetekshilerine tartý etti.
Nurlybek DOSYBAI,
«Egemen Qazaqstan»