«Ulymyzdyń Ulttyq biryńǵaı testileýge alańsyz daıyndalýyna bar kúsh-jigerimizdi jumsadyq. Tek bilim jaǵynan emes, psıhologııalyq, moraldyq turǵydan da ázirledik. Semeı men О́skemendegi «Dostyq» ortalyqtarynda bilimin shyńdady, ata-ana retinde de aqyl-keńesimizdi aıtyp otyrdyq. Muǵalimderi de kóp kómektesti. Mádı mektepti úzdik attestatpen bitirdi. Eńbegimizdiń esh ketpegenine qýanyshtymyz», dedi Mádıdiń ákesi Shalqar Júnisov telefon arqyly sóıleskenimizde.
Al 138 baldy qanjyǵasyna bóktergen bozbala UBT-ǵa bir jyl boıy jatpaı-turmaı ázirlengenin, osy oraıda «Egemen Qazaqstanda» jarııalanǵan UBT suraqtarynyń da kóp kómegi tıgenin, synaq barysyndaǵy test suraqtary jeńil bolǵanyn aıtady. «Árıne, áýelde «qalaı bolar eken?» dep alańdaǵanym ras. Alaıda testileý ortalyǵyna kirip, suraqtarǵa jaýap bere bastaǵanda kóńildegi qobaljýym sap basyldy. Kóp bógelmesten jaýap berip shyqtym. Sátin salsa, Semeıdegi medısına ýnıversıtetine oqýǵa túspek oıym bar», deıdi ol.
Azamat QASYM, «Egemen Qazaqstan»
Shyǵys Qazaqstan oblysy