Atyraý qalasynyń turǵyny Arman Haırýllın Saraıshyq selosyndaǵy bir gektar jerge topınambýr ósimdiginiń bes surybyn otyrǵyzǵan. Maqsaty – oblys ortalyǵy men Qarabatan zaýyty arasynda jasyl beldeý jasaý.
Birneshe jyl buryn zaýyt mańyndaǵy Sokolok ózeginiń boıynan jasyl beldeý jasaý jóninde másele kóterilgen edi. Alaıda, jaıqalyp ketken jelekti kóz kórgen joq. О́ndiris oshaqtarynyń qorshaýynda turǵan oblys ortalyǵynyń ekologııasyn saýyqtyrýǵa az da bolsa úles qossam degen azamattyń bastamasyn oblys ákimi Nurlan Noǵaev ta qoldady.
«Eger bıyl Sokolov kanaly mańynan úsh myń gektarǵa topınambýr eksek, ekinshi jyly odan otyz myń gektar jerge jetetin tuqym alamyz. Ony oblystyń barlyq fermerlerine mal azyǵy retinde óte tómen baǵamen satýǵa bolady», deıdi Arman Haırýllın.
Topınambýrdyń bir «keremeti» – kúndelikti tutynar tamaqtan bólek malǵa azyq bolady, dári-dármek jasaý úshin de osy ósimdik paıdalanylady. Al Atyraýǵa eń qolaılysy onyń orman aǵashtarynan eki ese kóp ottegi bóletini. Topyraqtyń qunarlylyǵyn arttyratyn qasıeti taǵy bar.
«О́ndiristi Atyraýǵa jer almurtyn egip, ottegini kóbeıtýge bolady. Kez kelgen ekologııalyq shara bastapqyda qarjyny qajet etedi, alaıda halyqtyń densaýlyǵy qaı somadan da joǵary», degen kásipker bıznes-jobasynyń sátti júzege asaryna senimdi.
Baqytgúl BABASh, «Egemen Qazaqstan»