«Vıktorına suraqtary Qazaqstan aýyl sharýashylyǵyna, sondaı-aq korporasııa men «QazAgronyń» ózge de enshiles kompanııalary qarjylandyrǵan jobalar men derekterge qatysty bolmaq. Jeńimpazdar korporasııanyń seriktesteri, ıaǵnı otandyq aýyl sharýashylyǵy taýar óndirýshileriniń ónimderinen quralǵan qorjyndardy ıelenedi», deıdi mamandar. «QazAgro» holdınginiń stendi qazaqstandyq kompanııalar jınaqtalǵan korporatıvtik pavılonda ornalasqan. Naqty turǵan ornyn eriktilerden surap bilýge bolady. Kórmege qatysty taǵy bir jańalyq, «Astana EKSPO-2017» ulttyq kompanııasy Qala kúnine arnalǵan merekelik aksııa jarııalady. Astana turǵyndary men qonaqtary kórmege úsh bılet satyp alatyn bolsa, 1-10 shilde kúnderine tórtinshi bılet tegin beriledi. Sondaı-aq, demalys kúnderi 17 jasqa tolmaǵandar kórmege tegin kire alady. Al 12 jasqa tolmaǵan balalardy tek ata-analarmen ǵana kirgizedi. Oǵan qosa, jeke qujattardy kórsetý kerek. Sonymen qatar, kompanııa arzan bıletterdi satylymǵa shyǵardy. Ol bılettermen keshki saǵat 18:30-dan bastap kirýge bolady. Al arnaıy abonementti satyp alsa, EKSPO aıaqtalǵansha kórme aımaǵyna kirip-shyǵýǵa múmkindik bar.
EKSPO-2017 kórmesindegi «QazAgro» ulttyq basqarýshy holdınginiń stendinde kórme qonaqtary arnaıy baıqaý-vıktorınaǵa qatysa alady. «Agrarlyq nesıe korporasııasy» AQ uıymdastyratyn konkýrs barysynda kez kelgen azamat óz baǵyn synaı alady.