Ismaıl Kahraman kezdesýdi Qazaqstan Elshisin jańadan taǵaıyndalǵan laýazymymen quttyqtaýy men bul qyzmetiniń eki baýyrlas eldiń barlyq saladaǵy qarym-qatynastarynyń nyǵaıýyna arqaý bolatyndyǵy jónindegi óz senimin jetkizýmen bastady.
Ismaıl Kahraman 2016 jylǵy 15 shilde kúngi memlekettik tóńkeris uıymdastyrýǵa baǵyttalǵan oqıǵalarǵa toqtalyp, Túrkııaǵa óz sapary arqyly qoldaýyn eń alǵash bolyp bildirgen Qazaqstan Respýblıkasynyń Prezıdenti Nursultan Nazarbaevqa túrik halqynyń sheksiz alǵysyn jetkizdi.
Sonymen qatar, Ismaıl Kahraman Nursultan Nazarbaevtyń júrgizip otyrǵan syndarly saıasaty men parasattylyǵynyń arqasynda Qazaqstannyń Orta Azııadaǵy eń qýatty memleketke aınalyp otyrǵanyn, sondaı-aq, aımaqtyq jáne halyqaralyq deńgeıdegi kóptegen mańyzdy máselelerdegi bitimgershilik rólin erekshe atap ótti. Oǵan qosa, elimizdiń BUU Qaýipsizdik Keńesine múshe bolyp saılanýyna da óz qýanyshyn bildirgen Túrkııa Parlamentiniń tóraǵasy dúnıejúzilik qaýymdastyq tarapynan artylǵan bul úlken senimdi Qazaqstannyń tolyq aqtaıtyny kúmánsiz ekenin aıtty.
Abzal Saparbekuly men Ismaıl Kahraman arasynda ótken bul bas qosýda ekijaqty mańyzdy máselelerdiń talqylanýymen qatar, Elbasymyzdyń «Bolashaqqa baǵdar: rýhanı jańǵyrtý» baǵdarlamalyq maqalasy tóńireginde de aýqymdy áńgime órbidi.
Atap aıtqanda, Túrkııa Parlamentiniń spıkeri Qazaqstan bıliginiń latyn alfavıtine ótý jónindegi sheshimine óziniń oń kózqarasyn tanyta otyryp, Elbasymyzdyń bul baǵdarlamasy Qazaqstannyń jarqyn bolashaǵy úshin óte tıimdi bolaryna senimin bildirdi.
Túrik spıkeri bul baǵdarlamany Qazaqstannyń 2050 jylǵa deıin álemniń damyǵan 30 eliniń qataryna kirý baǵytyndaǵy áleýetin naqty aıqyndaıtyn, saıası, ekonomıkalyq jáne quqyqtyq túrde damýynyń ózegi dep sanaıtynyn bildirdi.
О́z kezeginde, dostyq tobynyń tóraǵasy H.Ipek Elbasynyń maqalasy tereń oımen jazylǵanyn jáne buny tek Qazaqstan halqy úshin ǵana emes, túrki álemin qosqanda barsha adamzatqa arnalǵan, túrli rýhanı qundylyqtardy qamtıtyn manıfesto retinde baǵalaýǵa bolatynyn aıtty.
Sondaı-aq, kezdesý barysynda Ismaıl Kahraman óziniń qazaqstandyq áriptesi Nurlan Nıgmatýlınge ystyq yqylasy men Túrkııaǵa arnaıy shaqyrýyn jetkizýdi surady.
Kezdesý sońynda Ismaıl Kahraman barsha qazaqstandyqtardy qazirgi tańda álem nazaryn ózine aýdaryp otyrǵan «Ekspo-2017» halyqaralyq kórmesiniń ashylýymen quttyqtap, Qazaqstan halqyna óziniń ystyq sálemin joldady.