«Bıyl oblystyq kásipkerler palatasy kórmeni úshinshi ret ótkizip otyrmyz. Onyń ishinde byltyr men bıyl kórme-jármeńke formatynda ótkizip kelemiz. Qatysýshylar jyl saıyn artyp otyr. Byltyr 20 kásiporyn qatysqan edi, bıyl taǵy da tórt kásiporyn ótinish berdi» deıdi kórme-jármeńkeni uıymdastyrýshy oblystyq kásipkerler palatasynyń qyzmetkeri Robert Iýsýpov.
Kórme-jármeńkeni oblys ákimi Arhımed Muhambetov aralap kórip, kásipkerler ákelgen taýarlardy kórdi. Kórme-jármeńkege qatysqan kásiporyndar arasynda jeńimpazdar úsh atalym boıynsha anyqtaldy. Úzdikterge oblys ákimi Arhımed Muhambetov dıplomdar men syılyqtar tapsyrdy. «О́ndiristik maqsattaǵy úzdik taýarlar» atalymy boıynsha birinshi oryndy Qostanaı qalasyndaǵy «S.M.F.-System» mata emes materıal fabrıkasy» JShS, «Halyq tutynatyn úzdik taýarlar» atalymy boıynsha Denısov aýdanynan kelgen «Tobolskoe 1» JShS, «Úzdik azyq-túlik taýarlary» atalymy boıynsha Qostanaı qalasyndaǵy «Akva-Arasan» JShS birinshi oryndy jeńip aldy. Turǵyndar kórme-jármeńkeni aralap, kerekti zattaryn satyp aldy. Olardyń baǵasy ústemesiz, óndiristik jiberilimmen satyldy.
Názıra Járimbetova
«Egemen Qazaqstan»
QOSTANAI