Qazaqstan quramasy erler men áıelder arasyndaǵy sporttyq jáne áskerı sambo boıynsha QR Prezıdentiniń júldesine arnalǵan Álem kýbogynda jeńiske jetti.
EKSPO-2017 komıssary hatshylyǵynyń baspasóz qyzmeti habarlaǵandaı, Álem kýbogynyń kezeńi Astanada 6-8 shildede ótti.
Jarysty EKSPO-2017 kórmesi aıasynda Halyqaralyq sambo federasııasy ótkizdi, oǵan álemniń 16 elinen 200-den astam sportshy qatysty. Jalpy komandalyq esepte 13 altyn, 12 kúmis, 29 qola medalmen Qazaqstan quramasy birinshi oryn alyp, Kýbok ıegeri atandy. Ekinshi, úshinshi oryndy Grýzııa men Reseı komandalary ıelendi.