Kezdesýde Memleket basshysy Qorǵanys jáne aeroǵarysh ónerkásibi mınıstrliginiń negizgi maqsaty ozyq ǵylymı-tehnıkalyq jetistikter negizinde Qazaqstan áskeri úshin qarý-jaraq jasaý, aeroǵarysh qyzmetin damytý, kıberqaýipsizdikti qamtamasyz etý ekenine nazar aýdardy.
«Qazir bul mınıstrliktiń quzyrynda buǵan deıin túrli vedomstvonyń qaraýynda bolǵan salalar bar. Qorǵanys jáne aeroǵarysh ónerkásibi mınıstrligi ozyq ınnovasııalyq ázirlemelerdi birinshi bolyp qoldanyp kele jatqan memlekettik organdardyń qatarynda», – dedi Nursultan Nazarbaev.
Qorǵanys jáne aeroǵarysh ónerkásibi mınıstri Qazaqstan Prezıdentin atqarylǵan jumystardyń nátıjeleri men osy saladaǵy ortamerzimdi perspektıvadaǵy josparlar jóninde habardar etti.
«Mınıstrlik Sizdiń «Qazaqstannyń úshinshi jańǵyrýy: jahandyq básekege qabilettilik» atty joldaýyńyzdy josparly túrde iske asyryp keledi. Naqty nátıjelerge qol jetkizdik. Sondaı-aq, qorǵanys kesheni men ónimdi eksporttaý kásiporyndaryn tehnologııalyq jańǵyrtý jóninde jumystar qarqyndy júrgizilýde. Qazirgi ýaqytta memlekettik qorǵanys tapsyrysy ázirlenip, iske asyryla bastady», – dedi B.Atamqulov.
Kezdesý qorytyndysy boıynsha Memleket basshysy qorǵanys-ónerkásip kesheni men aeroǵarysh qyzmetin odan ári damytýǵa qatysty birqatar naqty tapsyrma berdi.