«Figure AI» kompanııasy adamtektes robottarǵa arnalǵan basqarý júıesiniń jańa nusqasy «Helix 02» neırojelisin tanystyrdy, dep habarlaıdy Egemen.kz.
Bul – robottyń búkil denesin bir mezette basqarýǵa qabiletti alǵashqy keshendi mı. Aldyńǵy nusqalar robottyń tek joǵarǵy bóliginiń qozǵalysyn basqarsa, «Helix 02» júrý, zattardy ustaý, qozǵalysty úılestirý, tepe-teńdikti saqtaý fýnksııalaryn birtutas avtonomdy júıege biriktiredi.
Sonyń arqasynda robot ár áreketti bólek basqarmaı, qorshaǵan ortaǵa beıimdele otyryp, úzdiksiz jumys isteı alady. Jańa júıeniń múmkindigi tájirıbe barysynda dáleldendi. «Helix 02» arqyly basqarylatyn «Figure» gýmanoıd roboty ydys jýatyn mashınany tolyq avtonomdy rejımde nebári tórt mınýt ishinde bosatyp, qaıta toltyrǵan. Bul úderis barysynda robot 61 birizdi áreketti adam kómeginsiz oryndaǵan.
Kompanııa ókilderiniń málimetinshe, «Helix 02» gýmanoıd robottardy turmysta jáne óndiriste keńinen qoldanylady. Júıe robottyń qozǵalysyn dál úılestirip qana qoımaı, onyń derbes sheshim qabyldaý qabiletin de aıtarlyqtaı arttyrady.