Qazaqstannyń aralas jekpe-jek (MMA) sheberi Shavkat Rahmonov óziniń resmı X (burynǵy Twitter) paraqshasynda densaýlyǵyna baılanysty jazba qaldyrdy, dep habarlaıdy Egemen.kz.
Aıta keteıik, buqaralyq aqparat quraldarynda 31 jastaǵy sportshynyń tize jaraqatyna baılanysty ota jasatqany týraly aqparat tarady. Shavkat Rahmonov bul habardy rastady.
Asý Almabaev UFC-de TOP-5 qataryna kirýi múmkin
«Jaýyngerdiń joly eshqashan jeńil bolmaǵan. О́mir bizge ózimiz kúrese almaıtyn synaqtardy bermeıdi. Ár armannyń óz quny bar, al keıde onyń baǵasy – densaýlyq. Búgin shyndyqty aıtýym kerek: sozylmaly jaraqattarǵa baılanysty taǵy bir operasııa jasattym, endi tolyq qalpyna kelý úshin ýaqyt qajet. Sonyń saldarynan meniń oktagonǵa oralýym keıinge qaldy.
Muny qabyldaý ońaı emes, biraq árbir sátsizdik – úlken jospardyń bir bóligi ekenine shyn júrekten senemin. Men burynǵydan da myqty, aqyldy jáne ash bolyp oralamyn. Maqsatym ózgermeıdi. UFC beldigi Qazaqstanda bolýy tıis. Qandaı jaǵdaı bolsa da qoldaý kórsetip júrgen barshańyzǵa alǵys aıtamyn! Bul joldyń sońy emes, onyń mańyzdy bir kezeńi ǵana», dedi Shavkat Rahmonov.
Shavkat Rahmonov reseılik Islam Mahachevpen jekpe-jek ótkizýge daıyn ekenin málimdedi
Qazirgi tańda sportshy UFC-diń jartylaı orta salmaqtaǵy (77,1 kelige deıin) reıtınginde ekinshi orynda tur. Onyń aldynda tek reseılik Islam Mahachev pen aýstralııalyq Djek Della Maddalena ǵana bar. Olar – tıisinshe qazirgi jáne burynǵy chempıondar.
Shavkat Rahmonov oktagonǵa oralýyna qatysty málimdeme jasady
Kásibı MMA-de Shavkat Rahmonov ótkizgen 19 jekpe-jektiń barlyǵynda jeńiske jetken. Ol sońǵy aıqasyn 2024 jyldyń jeltoqsanynda ótkizip, ırlandııalyq Ien Machado Gerrıdi tóreshilerdiń biraýyzdan shyǵarǵan sheshimimen jeńgen bolatyn.